Qırımtatar Maaliy Merkezi

2021 senesiniñ 1 çeriginde Qırım siyasiy mabuslarğa nisbeten sağlıq haqqılarnıñ bozuvları arttı-QRM

29.04.2021

2021 senesiniñ ilk çeriginde 51 kere, şu cümleden 46-sı qırımtatarlarğa nisbeten, sağlıq haqlarınıñ bozuluvı qayd etildi. 2020 senesi 1 çeriginde 48 defa, şu cümleden 38-i qırımtatarlarğa nisbeten sağlıq haqları bozulğan edi. Bu aqta QRM-niñ Qırımda insan haqları bozuvlarnıñ talilinde bildirile.

Как сберечь здоровье тысячам украинцев?

Böyle neticeler Qırım siyasiy mabuslarğa hapis şaratinde, ayrıca da pandemiya devrinde, tibbiy yardım mahsus kösterilmegenine işaret ete.  Şundan da ğayrı, advokatlar, halqara teşkilãtlar, yaqalanğanlarnıñ muracaatları diqqatsız qalğanı da qayd etildi. Bir sıra mabuslar zorbalıq ile psihiatrik ekspertizadan keçirildi, bir çoqları ceza hücrelerine qapatılğan edi.

 Vladislav Yesipenko işğal etilgen Qırımda silãhlılar tarafından işkencege oğratılğanı da yuqarıdaki malümatlarnı tasdiqlay.

Hatırlatamız ki, Qırımtatar resurs merkezi işğal etilgen Qırımda 2021 senesiniñ ilk çeriginde yüz bergen insan haqlarını bozuvlarınıñ talilini taqdim etti. Teşkilãtnıñ bildirgenine köre, mezkür vaqıt içerisinde 22 tintüv, 146 yaqalama, 23 sorğu keçirilgen edi. Yılnıñ ilk üç ayında umumen 45 adam hapiske alındı: 10-yañı, 16-müddetni uzatuv, 19-mahkeme hükümi. Adaletli mahkeme haqqınıñ bozuvı 113 kere yüz bergen edi.  Fizik ve psihik sağlığına dair haqlarnıñ bozulması 51 kere qayd etildi. Şundan da ğayrı, 33 kere siyasiy mabuslar Qırımda başqa yerlerğe alıp ketildi. QRM esabatında din haqları, yarımadada ekologik normaları, hapisteki müşkül şaraitler, siyasiy mabuslarnıñ haqları bozulğanı ve işğal etilgen Qırımda qanunsız arbiy talimler keçirilgeni haqqında malümat bulunmaqta.