Qırımtatar Maaliy Merkezi

OONda Qırım tamır halqlarınıñ meseleleri muzakere etilecek

22.04.2021

Bazarertesi künü, aprelniñ 26-sında, onlayn şekilde ‘Rusiye tarafından işğal etilgen Qırım misalinde devletlerara konfliktler şaraitinde tamır halqlarnıñ inkişafına telükeli vaziyetler’ serlevalı sayd-ivent keçirilecek. Tamır halqlar meseleleri boyunca Daimiy forumnıñ 20 sessiyası çerçivesinde teşkil etilecek bu tedbirde Rusiyeniñ Qırım tamır halqlarına nisbeten diskrimintasıon siyaseti haqqında tarif etilecek.

Spikerler Rusiyeniñ agressor-devlet olaraq işğal etilgen Qırımda tamır halqlar temsilcilerine nisbeten diskriminatsıon siyaseti haqqında malümat berip, qırımtatar Meclisini yasaq etilmesiniñ neticelerini talil etecekler ve Qırım tamır halqları ögünde turğan ekologik, gumanitar meselelerini muzakere etecekler.

Tedbir çerçivesinde ‘Qırım.Suvsuzlıq’ vesiqalı filmniñ qısqa versiyası taqdim etilecek.

Muzakere etilecek esas mevzular:

1.     Rusiye tarafından işğal etilgen Qırımda inkişaf içün telükeli olğan insan haqlarınen bağlı vaziyet.

2.     Qırımtatar meclisiniñ yasaq etilmesi Qırımnıñ işğali şaraitinde qırımtatarlarnıñ yaşaması, saqlanılması ve inkişafı içün telüke olaraq.

3.     Rusiye işğalcı hakimiyetiniñ mantıqsız ve mesuliyetsiz areketleri neticesinde peyda olğan ekologik ve gumanitar meseleler.

4.      Qırımda RF-nıñ işğalcı memuriyetiniñ areketlerine huquqiy qıymet kesüv.

Spikerler:

Sergey Kislitsa- Ukrainanıñ Fevqulade ve vekãletli elçisi, Ukrainanıñ OONda daimiy temsilcisi;

Refat Çobarov- qırımtatar Meclisiniñ reisi;

Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;

Aleksey Plotnikov- Qırım reintegratsıyası Assotsiatsıyasınıñ eksperti;

Suleyman Mamutov- Q-Hub Qırım tasil platformasınıñ koordinatorı.

Moderator:

Oliver Loode- OON tamır halqlar meselesi boyunca daimiy forumnıñ azası, «URALIC Center NGO» müdiri (Estoniya).

Tedbirde iştirak etmek içün evelden https://cutt.ly/TvJMUgl ssılka boyunca qayd olunmaq kerek, şundan soñra, mail adresinizge konferentsıyağa kiriş haqqında malümat bulundırğan mektüp kelecek.

Tedbirniñ canlı yayınını Qırımtatar resurs merkeziniñ fasebook sahifesinde seyir etmege mümkün olacaq. https://www.facebook.com/CTRC2015

Tedbirni teşkil etkenler: qırımtatar Meclisi, Qırımtatar resurs merkezi, OONda Ukrainanıñ daimiy temsilciligi.