Qırımtatar Maaliy Merkezi

İşğalcılar qırımtatar evinde nevbetteki tintüvni keçirdiler

22.04.2021

Cumaaqşamı künü, işğal etilgen Qırımda, Qarasuvbazar rayonı Bağça Eli (Bogatoye) köyünde rusiye silãhlı küçler qırımtatar Eldar Fetlãyevniñ evini bastılar. Tehqiq işleri neticesinde planşet ve CD disk alıp çıqarılğan edi. Bu aqta ‘Qırım birdemligi’ haber ete.

Qayd etilgenine köre, tintüvni belgisiz biri tarafından organlarğa telefon açıp, Qırımda patlamalar azırlanılğanı haqqında haberden dolayı keçirdiler. Eldar Fetlãyevni oña hiç belli olmağan mahkeme davası boyunca sorğulamağa istediler, amma Eldar razı olmadı.

‘Saba saat 8.30. Tintüv yekünlendi. Fetlãyevniñ evi boşatıldı. Tehqiq işleri ketişatında kimse tutuqlanmadı. Tek planşet ve CD disk alıp ketirildi,’-denile haberde.