Qırımtatar Maaliy Merkezi

Qırımtatar faal cemaatçısına ‘qanunnı bozmaq mümkün olmağanı haqqında’ tenbi berildi

22.04.2021

İşğal etilgen Qırımda Sovetskoye köy sakini, qırımtatar Qurultayınıñ delegatı Rustem Mennanovğa ‘qanunnı bozmaq mümkün olmağanı haqqında’ tenbi berildi. Bu aqta ‘Qırım birdemligi’ haber ete.

‘Rusiye İİN erkekni kütleviy aktsıyalar devamında ‘ekstremist faaliyetinen  oğraşmamağa’ tenbiley. Bu yerde nasıl aktsıyalar közde tutulğanına ve olarnıñ tarihlerine dair hiç bir bilgi yoq.  Delegatqa vesiqanı polis kapitanı Aleksey Rıçkov berdi, amma Rustem Mennanov vesiqanı imzalamadı’,-denile haberde.

Hatırlatamız ki, 1 iyün künü, Sovet rayon ‘mahkemesi’ qırımtatar faal cemaatçısı Rustem Mennanovnı  2016 senesi noyabr ayında qırımtatar halqınıñ lideri Mustafa Cemilevni doğğan künü munasebetinen hayırlav metninde Meclisni añğanı içün qabaatlap, 2 biñ rublege cazaladılar.