Qırımtatar Maaliy Merkezi

Bağçasaray üçünci ‘Hizb ut-Tahrir davasında’ qabaatlanğanlarnıñ hapiste bulunma müddetini uzattılar

09.04.2021

Rusiye mahkemesi bağçasaray üçünci ‘Hizb ut-Tahrir davası’nda qabaatlanğanlarnıñ hapiste bulunma müddetini uzattı. Seytumer Seytumerov, Osman Seytumerov, Rustem Seytmemetov 2021 senesi iyülniñ 22-sine qadar hapiste bulunacaqlar. Amet suleymanov 22 iyünge qadar ev hapisinde qalacaq.

 Hatırlatamız ki, 2020 senesi 11 mart künü rusiye silãhlı küçler tarafından Bağçasaray şeheri ve  Bağçasaray rayonında qırımtatar evlerinde tintüvler keçirldi. Seytumer Seytumerov, Şukri Seytumerov, Amet Suleymanov, Seydamet Mustafayev, Rustem Seytmemetov, Ayder Suleymanovnıñ evlerinde tintüvler keçirildi.  Bir sıra faal cemaatçı yaqalandı. 12 mart künü  Aqmescitniñ Kiyev rayon mahkemesi Amet Suleymanovnı ev hapisinde qaldırdı. 13 mart künü Kiyev rayon mahkemesi Osman Seytumerov, Seytumer Seytumerov ve Rustem Seytmemetovnı hapis cezasına mahküm etti.