Qırımtatar Maaliy Merkezi

‘Hizb ut-Tahrir davasında’ qabaatlanğanlarnıñ hapiste bulunma müddetini uzattılar

09.04.2021

Cumaaqşamı künü, 8 aprelde Cenüp arbiy mahkemesinde ‘Hizb ut-Tahrir davası’ boyunca keçirilgen toplaşuv neticesinde ‘davada’ qabaatlanğanlarğa ceza müddeti uzatıldı. Ruslan Nagayev, Ruslan Mesutov, Eldar Kantemirov, Lenur Halilov hapiste daha 3 ay keçirecekler.

Hatırlatamız ki, 10 iyün künü rusiye silãhlı küçler tarafından Aluşta, Qarasuvbazar ve Aqmescit şeherlerinde qırımtatarlarnıñ evlerinde tintüvler keçirildi. Neticede 8 adam RF yasaq olunğan ‘Hizb ut-Tahrir’ teşkilãtında iştiraginde qabaatlandı. 10 ve 11 iyün künü Aqmescitniñ Kiyev rayon mahkemesi  tintüv neticesinde yaqalanğan Riza Omerov, Enver Omerov, Ayder Cepparov, Eskender Suleymanov, Ruslan Nagayev, Eldar Kantemirov, Ruslan Mensutov, Lenur Halilov 5 avgustqa qadar hapis cezasına mahküm olundılar.  İleride yaqalanğanlarnıñ ceza müddeti hep uzatıldı.