Qırımtatar Maaliy Merkezi

Ukraina nazirler kabineti qırımtatar tiliniñ inkişaf kontseptsıyasını qabul etti

07.04.2021

Çarşembe künü, aprelniñ 7-sinde Ukraina nazirler kabineti qırımtatar tiliniñ inkişaf kontseptsıyasını qabul etti. Mezkür kontseptsıya Ukrainanıñ vaqtınca işğal etilgen territoriyalarnıñ reintegratsıyası boyunca Nazirlik tarafından işlep çıqarılğan edi. Bu aqta nazirlikniñ matbuat-hızmeti bildire.

‘Qırımtatar tili Ukraina içün keniş imkãnlar yaratqanını yahşı añlaymız. Onı ukrain türk tili olaraq qabul etmek kerek. Qırımtatar tili universal bir til olaraq diger türkiy tillerni añlamağa imkãn bere. Böyle etip, Ankara olsun, Baku olsun, ya da Nur-Sultannen munasebetlerimizni qurıp, iqtisadiy, medeniy leyihalarımıznı amelge keçire bilemiz. Aramız daha qaviy ve samimiy ola,’- dep añlattı nazir Aleksey Reznikov.

Qırımtatar tiliniñ inkişaf ğayesi latin elifbesiniñ esasında qurulacaq. Bu strategik bir qarardır, o qırımtatarlar içün 1991 senesinden başlap aktual qala ve dünya qırımtatar disporlarını birleştire bilecegi qayd etile.

Kontseptsıyanıñ işlep çıqarılmasında hakimiyet organları, qırımtatar Meclisi, ilmiy ve tasil muessiseleri, devletten tış teşkilãtlar ve ekspertler, şu cümleden vaqtınca işğal etilgen Qırımda bulunğanlardan iştirak ettiler.