Qırımtatar Maaliy Merkezi

İşğal etilgen Qırımda koronavirus darqalmasına baqmadan arbiy paradlar keçirilecek

06.04.2021

İşğal altında bulunğan Qırımda 9 mayıs munasebetinen bir qaç şeherde, koronavirusnıñ darqalmasına baqmadan arbiy paradlar keçirilecek. Bu aqta Rusiye MN matbuat-hızmeti bildirdi.

‘9 mayıs künü Ulu Vatan cenkinde ğalebeniñ 76 yıllığı munasebetinen 10 şeherde arbiy paradlar keçirilmesi planlaştırıla: Volgograd, Keriç, Novorossiysk, Aqyar, Rostov-na-Donu, Vladikavkaz, Novoçerkassk, Stavropol, Aqmescit ve Kaspiys,’- denile haberde.

 Arbiy paradda çıqışta bulunacaq orkestrlerde 40-tan 60-qa qadar çalğıcı iştirak etilecegi qayd oluna.

 Şunı hatırlatamız ki, daha fevral ayında Qaradeñiz flotunda 9 mayıs munasebetinen keçirilecek paradda iştirak etecek askerlerge koronavirus aşlaması yapılğan edi. Mezkür tedbirlerde işitirak etmek içün 2 biñden ziyade arbiy hadim celp etilecek.