Qırımtatar Maaliy Merkezi

Rusiye hakimiyeti Mustafa Cemilevge Qırımğa kelmek yasağınıñ müddetini uzattı

05.03.2021

Rusiye hakimiyeti qırımtatar halqınıñ lideri Mustafa Cemilevge RF ve işğal etilgen Qırımğa kelmek yasağını 2034 senesi martnıñ 5-ine qadar uzattı. Bu aqta advokat Nikolay Polozov öz Facebook sahifesinde haber etti.

‘Mahkemeniñ ricasına FSB cevabından belli olğanı kibi, RF FSB 2021 senesi, 5 mart künü, yañı №140/ЗКС/13/857 qararını çıqardı. Bu qararğa binaen, Mustafa Cemilevge RF-sına kelmek yasağı 2034 senesi martnıñ 5 qadar uzatıldı’,- denile haberde.