Qırımtatar Maaliy Merkezi

7 yıl evel Qırım oğrunda küreş temsili olıp qalğan Reşat Ametov qaçırılğan edi

03.03.2021

Reşat Ametov- Qırımda rus işğalcılarnıñ ilk qurbanı. 7 yıl evel, 2014 senesi martnıñ 3-nde Reşat Ametovnı Aqmescit merkezinde işğalge qarşı plakatnen çıqqanı içün formalı belgisiz insanlar qaçırdılar. Adamnıñ yaralı cesedi martnıñ 15-inde Ortalan köyü yanında tarla içinde tapıldı. Başı skotcnen sarılğan, qolları bağlı edi. Onıñ 3 kiçkene balası babasız qaldı.

Şu seneniñ aprel ayında  RF Tehqiqat idaresiniñ Tehqiqat komiteti Reşat Aliyevniñ öldürilmesi boyunca iş açtı. 2015 senesi iş toqtatıldı. Tehqiqatcılar Reşat Aliyevniñ ölümine alãqalı olğanlarnı öyle de tapamadılar.

Eskender Bairyev,  ‘Qırımı.Realii’ge  bergen izaatında bu işnen kimse meşğul olmağanı, iş yürgüzilmegeni ve bunıñ sebebi,  cinayet mahsus, yuqarıdan kelgen emirge binaen yapılğanını qayd etti. Bariyevniñ aytqanına köre, Reşat Ametov Ukraina birdemligi oğrunda rusiye agressiyasına qarşı küreşniñ timsali oldı.

 2017 senesi mayıs ayında Ukraina prezidenti Potr Poroşenko Reşat Ametovğa Ukraina Qaramanı unvanını berьek fermanını imzalağan edi.

 Reşat Ametovnıñ qaçırılması videosı: