Qırımtatar Maaliy Merkezi

Bariyev QRM tarafından işlenilgen sanktsıya siyaseti içün huquq vastalarınıñ eki maqsadını qayd etti

02.03.2021

Qırımtatar resurs merkeziniñ reisi, qırımtatar Meclis çetel işler ve huquq meseleleri boyunca idaresiniñ başı Eskender Bariyev ‘UA:Крим’ telekanalnıñ efirinde QRM tarafından işlenilgen Rusiye federatsıyasınıñ işğalcı memuriyetlerinen işbirlik yapqan şahıslarğa qarşı sanktsıyalarnı kirsetmek kerekligine qıymet kesüv usuliyetiniñ eki esas maqsadını qayd etti. Ekspertniñ aytqanına köre, usuliyet vatandaşlarımıznı haberdar etmek ve sanktsıya cedvellerini azırlamaq içün işlep çıqarıldı.

‘Eki maqsadımız bar:  o tarafta bulunğanlar sanktsıya cedveline kireler, biz  Magnitskiyniñ Aktı kibi qanunları olğan devletler, halqara teşkilãtlarınen çalışamız. Ekinci maqsadımız ise, haberdar etmek, aldını almaq tedbirlerini keçirmektir. Olar bizim vatandaşlarımız, olarnı tüşünmek kerekmiz. Olar da ukrain qanuncılığından qorqmaq degil de, işğalden soñra olarğa dair hiç bir problem olmaycağını bilmeliler’,- dedi o.

 Bunda da ğayrı, Bariyevniñ añlatqanına köre, QRM saytında  ‘Sanktsiyağa sen de kirsetileceñmi?’ adlı test çalışmağa başlaycaq. Bu test yardımınen Qırımnıñ her bir sakini sıñırdan keçkenini, ya da keçmegenini ögrenip olacaq.