Qırımtatar Maaliy Merkezi

QRM qırımtatarlarnıñ öz vatanında yaşamaq haqqı içün küreşi haqqında filmni taqdim ete (türkçe)

02.03.2021

Qırım işğaliniñ 7 yıllığına Qırımtatar resurs merkezi ‘Qırımtatarlar- ömür davası’ (türkçe) qısqa filmni taqdim ete. İşbu film 2014 senesi yüz bergen vaqialar, tamır halqına qarşı repressiyalar ve yarımadada insan haqlarınıñ bozuvları haqqında hikãye ete.

7 yıl evel, fevralniñ 26-sında, biñlernen qırımtatarı, ukrain ve Qırımnıñ diger millet sakinleri  qırımtatar Meclisiniñ daveti ile Qırım Yuqarı Şurasınıñ binası yanına kelip, rusiye tarafdarları olğan deputatlarğa  Qırımnı Ukrainadan ayırılması boyunca anayasağa ters kelgen qararnı qabul etmege musaade bermegen ediler.

 Şu künü cemaatçılıq huquqqnı bozmağan, barışıq yolunen  Ukrainanıñ territorial birligini qorçaladılar ve Rusiyege ve Qırımdaki agentlerine Qırımnıñ sanki öz isteginen Rusiyege keçirilmesini numayış etecek nevbetten tış sessiyanı keçirmege musaade etmediler.

 Yarımada sakinleriniñ kütleviy şekilde qarşılıqları, yazıq ki, Qırımnıñ işğal etilmesine keder etemedi. Qırımtatar halqı, yüz biñlernen ukrain ve Ukrain devletine sadıq qalğan bir çoq diger millet vekilleri artıq yedi yıl devamında rusiye işğalcılarnıñ esirinde bulunmaqtalar.

 QRM filmi nevbetteki meselelerni aydınlata:

Qırımtatar ve ukrain tillerini ögrenilmesinde qoyulğan manialar;

Qırımda söz serbestligi olmağanı ve tamır halqlarnıñ milliy neşirleri qapatılması;

Yarımadanıñ arbiy meydanğa çevirilmesi;

Qırımtatar Meclisiniñ faaliyeti yasaqlanılması;

Halqara teşkilãtlarnıñ qararları Rusiye tarafından közge alınmaması.

Mezkür filmniñ vastasınen halqara cemaatçılıqnıñ diqqatını Qırım işğali meselesine tekrar celp etmege isteymiz. 7 yıl içerisinde qırımtatarlar öz vatanında serbest yaşamaq haqqı içün küreşmege devam etmekteler, çünki yürekleri hala daha ağıra. Ya siziñ ağıramı?