Qırımtatar Maaliy Merkezi

23 fevral – Noman Celebiçıhan vefatınıñ 103 yıllığı

23.02.2021

23 fevral- qırımtatar halqınıñ tarihında qara künlerinden biridir. 1918 senesi aynı bu künde qırımtatar siyasetçi, cemaat erbabı ve ilk müftisi Noman Çelebicihan bolşevikler tarafından vahşiycesine öldürilip, Qara deñizniñ suvlarına atılğan edi.

Noman Çelebicihan-  Qırım Halq Cumhuriyet akimiyetiniñ ilk reisi, 1 qırımtatar halq Qurultayınıñ teşkilãtçısı, Qırım, Litva, Poloniya, Aqrusiye müsülmanlarınıñ ilk müftisi,  ‘Ant etkenmen’ qırımtatar milliy gimn sözleriniñ muellifidir.

Qırım demokratik cumhuriyetiniñ prezidenti sıfatında qırımtatar devletçiliginiñ inkişafına büyük issesini qoştı. Qısqa zaman içinde çeşit demokratik islãhatlarnı ömürge keçirdi- qadın ve erkeklerniñ musaviyligini tanıdı, ekitilli gazetalar çıqardı, qırımtatar arbiy bölükleriniñ şekillenmesi oğrunda ğayret kösterdi.

 Noman Çelebicihan Qırımda yaşağan bütün halqlar aynı haqlarğa sahip olmaq kerekligine emin edi.