Qırımtatar Maaliy Merkezi

"Bizni faallerniñ evlerinde olıp keçken reydler pek raatsızlata" - Turkiye

22.02.2021

Turkiyeniñ çetel işler Nazirligi 2021 senesiniñ fevralniñ 17-de işğal etilgen Qırımda keçirilgen kütleviy tintüvlerni ve faallerniñ yaqalanuvlarını takbih etti ve Rusiyege şu ameliyatını toqtatmağa çağırdı.

"Bizni bu, faallerniñ evlerinde olıp keçken reydler pek raatsızlata. Qırımtatarları Qırım yarımadasınıñ ayrılmaz bir qısmıdır, şunıñ içün, qırımtatarlarğa qarşı böyle ameliyatnı toqtatmağa çağıramız", - aytıla beyanatta.

Müessisede Turkiye tarafından  Qırımnıñ qanunsız işğalini tanımağanını ve qırımtatarlarğa qoltutıp devam etecekleri aqqında daa bir kere hatırlattılar.

Hatırlatamız ki, 17 fevralniñ çarşenbe künü rusiye quvetçileri Qırımnıñ Qarasuv, Bağçasaray, Aqmescit, Aqyar şeerlerlerinde ve İçki rayonında qırımtatarlarnıñ evlerinde yedi tintüvni keçirdiler. Yaqalanğanlarnı RF-niñ CK boyunca 205.5 maddesine binayen şekleyler. Kiyev rayonı "mahkemesi" ve Lenin rayonı "mahkemesi" yaqalanğan qırımtatarlarnı - Ernest İbragimovnı, Timur Yalkabovnı, Azamat Eyupovnı, Öleg Fedorovnı, Lenur Seydametovnı ve Yaşar Şihametovnı 2021 senesi  aprelniñ 15 qadar azatlıqtan marum ettiler.