Qırımtatar Maaliy Merkezi

İLÂN: QMM ve HF "Mir i Ko" "Qırım. Suvsuzlaştıruv" adlı eksklüziv vesiqalı film taqdim etecekler

21.01.2021

Salı künü fevralnıñ 2-de, saat 17-10, "Jovten" kinoteatrniñ binasında Qırımtatar Maaliy Merkezi ve "Mir i Ko" Hayriye fondu tarafından "Qırım. Suvsuzlaştıruv" adlı eksklüziv vesiqalı film taqdim etilecektir. Film zemanemizniñ eñ aktual mevzularından birini , yani yarımadada suv qıtlığı mevzusını kötere ve rusiye akimiyeti tarafından suv resurslarına tutumsız, ratsionalsız yanaşuvını açıqlay. Muhtaclarmı Qırım sakinleri Dnepr suvlarına? İşğalciler aqiqaten de suv qıtlığı meselesini çezmege tırışalar? Ve kimlerge kerçekten de suv yetmey? Ep meraqlanğanlarnı bu filmniñ premyerasını seyir etmege ve Qırım yarımadasınıñ yerli ealisi içün uydurılğan "Suv meselesi" aqqındaki mifni aydınlatmağa davet etemiz.

Karantinni köz ögüne alaraq, prezentatsiyada iştirak etmege istegenler kün evelden  bu sıltama (ssılka) boyunca qayd etilmelerini rica etemiz.