2020 senesi işğal olunğan Qırımda 280 yaqalanuv qayd etildi – QMM

2020 senesi işğal olunğan Qırımda 280 yaqalanuv qayd etildi, olarnıñ arasından 229-ı qırımtatarlarğa nisbeten. Bu köstergiç keçken yılğa köre 2 kere arttı (157). 2018 senesi böyle 128 adise aqqında belli edi, 2017 senesi ise -286. Bunıñ aqqında Qırımtatar Maaliy Merkeziniñ tarafından yapılğan insan aqları bozuluvı talilinde aytıla.

Adet üzre, yaqalanuvlar tintüvlerden soñ ötkerile. Bundan ğayrı sistemli alda keçirilgen yaqalanuvlar  işğal olunğan Qırımnen arasındaki  memuriy sıñırda qayd etilmekte. Böyle yaqalanuvlarnıñ resmiy sebepleri olaraq: Rusiye Federatsiyasında yasaq olğan "Hizb ut-Tahrir" ve "İyegovanıñ şaatları" teşkilâtlarına alâqadarlığı, Noman Çelebicihan adındaki batalyonda iştirak itilüvi, başqalarınıñ cinayetleri aqqında haber etmemezlik, cemaat ögünde  terroristik/ ekstremistik faaliyetke çağıruvlar,  terroristik  teşkilâtlarnıñ faaliyetinde iştirak etmesi içün yapılğan çağıruvlar, Ukrainanıñ faydalanuvı içün yapılğan casuslıq (şpionlıq), patlağan şeylerniñ, arbiy kereklerniñ ve il. satın aluvı, saqlap tutuvı, taşuvı sayıladır.

Bundan  da ğayrı, işğalciler sıq sürette  ,  mabüslerge  qoltutmaq içün mahkeme binalarınıñ yanında toplaşqan faal  insanlarını da yaqalaylar.