Qırımtatar Maaliy Merkezi

Bahçisaraydaki üçünci "Hizb ut-Tahrir davasınıñ'' iştirakçileri apis altında qaldırıldı

30.12.2020

RF mahkemesi Bahçisaraydaki üçünci "Hizb ut-Tahrir davası'' iştirakçileriniñ imayesi tarafından berilgen istinaf şikâyetini red etti. Seytumer Seytumerov, Osman Seytumerov ve Rustem Seyitmemetov 2021 senesi çiçek ayınıñ 22-ne qadar apis altında qalacaqlar.

Hatırlatamız ki, 2020 senesi saban ayınıñ 11-de Rusiye quvetçileri Bağçasaray şeeri ve Bağçasaray rayonında qırımtatarlarnıñ evlerinde tintüvler ötkerdiler. Tintüvler Seytumer Seytumerov, Osman Seytumerov, Şükri Seytumerov, Amet Suleymanov, Seydamet Mustafayev, Rustem Seyitmemetov, ve Ayder Suleymanovnıñ evlerinde keçti. Bir sıra faalciler yaqalandı. Saban ayınıñ 12-de Aqmescitniñ Kıyiv rayon "mahkemesi" Amet Suleymanovğa ev apisi cezasını berdi. Saban ayınıñ 13-de "mahkeme" Bağçasaraydaki üçünci «Hizb ut-Tahrir davasınıñ» iştirakçileri Osman Seytumerov, Seytumer Seytumerov ve Rustem Seytmemetovnı apiske aldı.