Qırımtatar Maaliy Merkezi

Büyük Britaniya BM Baş assambleyasınıñ işğal etilgen Qırımğa dair qararnamesini alğışlay

17.12.2020

Büyük Britaniyanıñ Ukrainadaki elçihanesi işğal etilgen Qırımda insan aqları saasındaki vaziyetke dair quvetleştirilgen ve yañılatılğan qararnameniñ qabul etilmesine qol tuta ve Rusiye Federatsiyasını qanunsız şekilde tutulğan Ukraina vatandaşlarınıñ cemisini azat etmege çağıra. Bu aqta müessiseniñ matbuat hızmeti haber etti.

"Büyük Britaniya, Rusiyeni muntazam şekilde yüz bergen insan aqlarınıñ bozulmasını toqtatmağa, qanunsız şekilde tutulğan Ukraina vatandaşlarınıñ cemisini azat etmege ve insan alqarı saasında nezaret eticileriniñ yarımadağa maniasız irişimni kefil etmege çağırğan BM Baş assambleyasınıñ işğal etilgen Qırımğa dair qararnamesini alğışlay", - dep haber etile bildirüvde.