ABD Rusiye Federatsiyasını işğal etilgen Qırımda zorbalıqlarını toqtatmağa çağıra
Amerika Birleşken Devletleriniñ Ukrainadaki elçihanesi işğal etilgen Qırımda insan aqları saasındaki vaziyetke dair quvetleştirilgen ve yañılatılğan qararnameniñ qabul etilmesine qol tuta ve Rusiye Federatsiyasını yarımadadaki zorbalıqlarını toqtatıp, insan alqarı saasında nezaret eticileriniñ yarımadağa maniasız irişimni kefil etmege çağırdı.
"Rusiyeni Qırımda işğalci olaraq mecburiyetlerini yerine ketirmege çağırğan BM Baş assambleyasınıñ işğal etilgen Qırımğa dair qararnamesini alğışlaymız ve Rusiyeni yarımadada zorbalıqlarını ve qanun bozuluvlarını deral toqtatmağa çağıramız. Rusiye, qanunsız şekilde tutulğan Ukraina vatandaşlarınıñ cemisini azat etmeli ve insan alqarı saasında nezaret eticileriniñ yarımadağa maniasız irişimni kefil etmelidir", - dep haber etile bildirüvde.
We welcome the UNGA resolution urging Russia to uphold its obligations as an occupying power in Crimea and immediately end its violations and abuses there. Russia must free unlawfully detained Ukrainians and give unfettered access to human rights monitors. #CrimeaIsUkraine
— U.S. Embassy Kyiv (@USEmbassyKyiv) December 16, 2020
Hatırlatamız ki, ilk qış ayınıñ 16-da BM Baş assambleyası işğal etilgen Qırımda insan aqları saasındaki vaziyetke dair quvetleştirilgen qararnamesini qabul etti. Mütenasip qararğa 64 devlet qol tuttı, 23 ise qarşı çıqtı.