Qırımtatar Maaliy Merkezi

Rusiye quvetçileri işğal etilgen Qırımda faallerniñ evlerini ziyaret etmege devam eteler

16.12.2020

''Polis'' hadimleri işğal etilgen Qırımda ''profilaktik subet keçirmek maqsadınen faallerniñ evlerini ziyaret etmege devam eteler. Bu aqta ''Qırım birdemligi'' haber etti.

Rusiye quvetçileri faal Ayder Kurtbekovnıñ evine kelgenler ve özüni tanıtmayıp nasıldır Nikiforov ve köydeki cami aqqında soraştırmağa başladılar.

Bundan ğayrı işğalciler yaqalanğan qırımtatarlarğa qol tutmaq maqsadınen bıltır Moskovağa barıp kelgen faal Aziz Qarahalilovğa da kelgenler. Onınen ''profilaktik'' subet keçirdiler.

Aynı maqsad ile işğalciler 2018 senesi evinde keçirilgen tintüv esnasında ''polislerge qarşılıq köstergeni'' ve içtimaiy ağında habernen paylaşqanı içün 10 künlik memuriy apiske mahküm etilgen Zekkiy Kulametovqa ve 2017 senesi ekim ayında kütleviy bir kişilik pikette iştirak etken Ruslan Rustemovnıñ evine kelgenler.

Hatırlatamız ki, bundan evel polis hadimleri çeşit türlü manaçıqlar uydurıp siyasiy mabuslarnıñ ana-babalarını, faallerni, grajdan jurnalistlerni ve din adamlarını ziyaret etken edi.