Qırımtatar Maaliy Merkezi

Yarımadanıñ beş suv anbarı ''ölü miqdar'' işaretine yaqınlaştı

15.12.2020

İşğalciler Qırım suv anbarlarındaki suv miqdarı boyunca statistik malümatlarnı derc ettiler, olarğa köre yarımadanıñ beş suv anbarı ''ölü miqdar'' işaretine yaqınlaşqan. Bu aqta Qırım ''Mesken-kommunal hocalığı nazirligi'' haber etti.

Hatırlatamız ki, işğalciler Qırımda berilgen suvnıñ miqdarını yavaş-yavaş eki kere azlaştırğan ediler. Birinci basamaq: arman ayınıñ 23 ile 24 gecesi suvnıñ künlik miqdarı 140 biñ kub metregece eksildi. Sıcaq suv ile temin etüv toqtatıldı. Ekinci basamaq: arman ayınıñ 31-den berim ayınıñ 7-nece suvnıñ miqdarı künde 120 biñ kub metrege qadar eksildi. Suv cedvel boyunca berilmege başladı. Üçünci basamaq berim ayınıñ 7-de başlandı. Berilgen suvnıñ miqdarı 100 biñ kub metrege qadar eksilip, saatlernen saba ve aqşam berilmektedir.