Qırımtatar Maaliy Merkezi

Ukraina Avropa Birligi ile vaqtınca Qırım işğaliniñ uquqiy aqibeti meselelerini muzakere etti

15.12.2020

Bazarertesi künü, ilk qış ayınıñ 14-de, Ukraina Avropa Birligi ile vaqtınca Qırım işğaliniñ uquqiy aqibeti meselelerini 8-nci kere muzakere etti. Körüşüv esnasında AB temsilcileri qanunsız Qırım ilhaqını iç bir vaqıt tanımaycaqlarını tekrar qayd ettiler. Bu aqta Ukraina çetel işler nazirliginiñ matbuat hızmeti haber etti.

Muzakerelerde Ukraina nazirlikleri ve idarelerniñ, Avropa komissiyanıñ ve Avropa tışqı faaliyet hızmetininiñ üst seviyedeki vekâletli şahıslarnıñ iştirak etkenleri qayd etile.

Taraflar işğal etilgen Qırımda insan aqlarınıñ bozuluvı saasında vaziyetni, medeniy alanlarnıñ ve tabiat qoruqlarınıñ Rusiye işğalcileri tarafından yoq etilmesini, faydalı malzemelerniñ istisal etilüvini ve bu kibi mevzularnı muzakere etip, ayrıca AB-niñ qanunsız Qırım ilhaqını tanımaması saasında mevcüt vaziyetke diqqat ettiler.

''Avropa Birligi Qırım yarımadasınıñ Rusiye tarafından qanunsız şekilde ilhaq etilmesini iç bir vaqıt tanımayıp, 2014 senesi başlağan tanımamazlıq siyasetine sadıq qalacaqtır'', - dep qayd etti AB vekilleri.