Qırımtatar Maaliy Merkezi

İşğal etilgen Qırımda COVİD-19 tacmaraz hastalığına oğrağanlarnıñ sayısı 25 biñni aştı

15.12.2020

İlk qış ayı 15 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 424 kişi oğrağan. Ağımdaki yılnıñ başından berli Qırımda 25079 kişiniñ bu hastalıqqa oğrağanı aqqında bellidir.

Qırım ''Sağlıq saqlav Nazirliginiñ'' ve Aqyar ''Ükümetiniñ'' İnternetteki saifelerinde haber etilgenine köre, işğal etilgen Qırımda 2849 kişi evde (covid) ve 3015 kişi hastahanelerde (kovid ile pnevmoniya) hastalıqlarından tedaviylene, 42 kişi observatorlarda buluna.

Aqyarda al-azırda hastahanelerde tadsıqlanğan COVİD-19 diagnozı ile 174 kişi tedaviylene, ''İzumrud'' raatlıq evinde 179 kişi bulunmaqtadır. Evlerinde 34 kişi tedaviylene. Nezaret altında 524 kişi buluna.