Qırımtatar Maaliy Merkezi

İşğal etilgen Qırımdaki ''mahkeme'' siyasiy mabus Smayilovnıñ qaynanasına qarşı açılğan ''dava'' boyunca protokollarnı qaytardı

14.12.2020

İşğal etilgen Qırımdaki ''Aqmescit rayon ''mahkemesi'' siyasiy mabus Edem Smayilovğa qol tutmaq niyetinen bir kişilik piketke çıqqan qaynanasına qarşı açılğan ''dava'' boyunca protokollarnı qaytardı. Bu aqta ''Qırım birdemligi'' haber etti.

''Protokolda işbu memuriy qanunnı bozmanıñ yapılğan künü yoq edi. Anda protokolnıñ tizilgen künü qayd etilgen, o ise davağa qoşulğan malümatlarğa zıt kele. Bundan ğayrı, protokol, Kelâmovağa onıñ aqları añlatılmağanını qayd ete, qanun boyunca ise polis hadimleri oña aqlarını añlatmalı ediler. Bu beyanatnı inkâr etken malümatlar polis hadimleri tarafından berilmedi'', - dep haber etile bildirüvde.

Hatırlatamız ki, bundan evel işğalci akimiyet 13 yılğa maküm etilgen ekinci Bahçisaraydaki ''Hizb ut-Tahrir davasınıñ'' iştirakçisi Edem Smayilovğa qol tutmaq niyetinen bir kişilik piketke çıqqan qaynanasına qarşı ''memuriy dava'' açqan edi.