Qırımtatar Maaliy Merkezi

ABD Rusiye Federatsiyasını işğal etilgen Qırımdaki suistimallarını toqtatmağa çağırdı

27.11.2020

Amerika Birleşken Devletleriniñ AHİT-da Elçisi Ceyms Gilmor Rusiye Federatsiyasını işğal etilgen Qırımdaki suistimallarını toqtatmağa çağırdı. O, Rusiyege boysunmağan faallerniñ zorbalıqnen psihiatrik hastahanelerge yerleştirilip cezalanğanı munasebetinen öz raatsızlığını bildirdi.

Джеймс Гілмор Третій, посол США при Організації з безпеки і співпраці в Європі (ОБСЄ)

''Qırımda Rusiyege boysunmağanları içün taqip etilgen siyasiy muhalifetçiler ile faallerniñ zorbalıqnen psihiatrik hastahanelerge yerleştirilip cezalanğanı, qırımtatarlarğa ait olğan şahsiy evlerde ve şirketlerde tintüvlerniñ keçirilgeni, siyasiy sebeplerden taqip etüv çerçivesinde qıynavlar vastasınen kerçek olmağan itiraflarnıñ alınğanı munasebetinen ciddiy raatsızlığımıznı bildiremiz'', - dep haber etile Twitterdeki bildirüvde.

ABD Rusiye Federatsiyasını Ukrainağa qarşı tecavüzini toqtatmağa ve yarımadanı Ukrainanıñ nezareti altına qaytarmağa tekrar çağırdı.