Qırımtatar Maaliy Merkezi

Qırımda adaletli mahkeme aqqınıñ 332 kere bozulğanı qayd etildi - QMM

27.11.2020

2020 senesiniñ 9 ayı devamında işğal etilgen Qırımda adaletli mahkeme aqqınıñ 332 kere bozulğanı qayd etildi, olardan 277 qırımtatarlarnen bağlı edi. Bu köstergiç evelki yıllarğa köre eksildi: 2019 senesiniñ 9 ayı devamında 578 adise, 2018 senesi ise 355 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.

Bunınen beraber, 100 ziyade siyasiy mabus apiske alınıp tutulmaqta, Rusiye qanuniyeti qanunsız alda siyasiy maqsatlarda, şu cümleden, Qırımnıñ işğal etilmesine narazlıq köstergen qırımtatarlarnıñ, Ukraina tarafdarları faallerniñ tınç küreşlerini boğmaq içün qullanıla. Esap etilgen devirde kütleviy şekilde apis müddetleri uzatıldı, abulqatlar tarafından yazılğan istinaf şikâyetleri red etildi. 13 kişi 3,8 yıldan 19 yılğace azatlıqtan marum etildi, 35 kişi yaqalandı. QMM, tevqif etüv müddetleri 147 kere uzatılğanını qayd etti.

Hatırlatamız ki, 2020 senesiniñ 9 ayı devamında işğal etilgen Qırımda Rusiye quvetçileri eñ azından 40 tintüv keçirdi, olardan 25 - qırımtatarlarnıñ evlerinde yüz berdi, 68 kişi yaqalandı, olardan 28 - qırımtatarlardır, 70 sorğu, sorav ve ''sübet'' keçirildi, olardan 34 qırımtatar halqınıñ vekilleri ile bağlı edi, 195 insan tevqif etildi, olardan 152 - qırımtatarlardır.