Qırımtatar Maaliy Merkezi

Nazirler şurası işğal etilgen Qırım ile memuriy sıñırnıñ keçmesini balalar içün qolaylaştırdı

26.11.2020

Ukraina Nazirler şurası işğal etilgen Qırım ile memuriy sıñırnıñ keçmesini 14 ile 16 yaş arasındaki balalar içün qolaylaştırdı. Olar doğuv aqqında şeadetnamelerinen KÇNN-nı mustaqil şekilde keçe bileler. Bu aqta Ukümet portalında haber etile.

''Saban ayı 16-dan başlap, karantin sıñırlamaları sebebinden sıñır çizgisi üzerindeki bütün kiriş/çıqış nezaret noqtalarından vatandaşlarnıñ keçişi (yaqın aqrabanıñ ölümi, sağlıq vaziyetniñ kritik alda olması, qorantalarnıñ birleşüvi ve saire gumanitar sebeplerden ğayrı) kerçekleşmegeni sebebinden 14 ile 16 yaş arasındaki balalar Ukraina vatandaşı pasportını almaq içün muracaat etip olamadılar'', - dep haber etile vesiqada.