Qırımtatar Maaliy Merkezi

ABD Rusiye Federatsiyasını işğal etilgen Qırımdaki suistimallarını toqtatmağa çağırdı

23.11.2020

BM teşkilâtında ABD missiyası işğal etilgen Qırımda insan aqları boyunca qararnameniñ muelliflerinden biri olğanınen ğururlanğanını qayd etip, Rusiye Federatsiyasını işğal etilgen Qırımdaki suistimallarını toqtatmağa çağırdı. Bu aqta teşkilât öz Twitter saifesinde haber etti.

''Anda (Qırımdaki) vaziyet deşetli olmağa devam ete, çünki işğalci Rusiye akimiyeti küçüni ve qorqutuvlarını başqaca tüşüngen insanlarnı ve muhalefetni boğmaq içün qullana. Rusiye tarafından işğal etilüv fikir, birleşme, din, inanç ve tınç toplaşuvlar serbestliklerini ciddiy şekilde sarsıtıp, bir çoq insannı yarımadanı terk etmege mecbur etti. Qırım sakinlerine, grajdan cemiyetine ve işbu aqlarnı qorçalağan aq qorçalayıcılarğa qol tutamız'', - dep haber etile bildirüvde.

ABD Rusiye Federatsiyasını işğal etilgen Qırımdaki suistimallarını toqtatmağa, tınç qarşılıq köstergenleri içün maküm etilgen Ukraina vatandaşlarını azat etmege ve yarımadanı Ukrainanıñ nezareti altına qaytarmağa çağırdı.