Qırımtatar Maaliy Merkezi

Qırımnıñ suv menbalarını satellitten yapılğan resimler vastasınen nezaret etüvniñ neticeleri

22.11.2020

Nezaret etüvniñ neticelerine keçmek

Qırımdaki em ekologik vaziyet, em de yarımadanıñ suv yedekleri ayrıca diqqatqa lâyıqtır. Qırımnı suv resurslarınen temin etüvniñ hususiyetleri bulardır: ealiniñ ziyadeleşkeni sebebinden suv edeklerine basqınıñ artması, suv yedekleriniñ arbiyleştirüv maqsadları ve abiy sanayısı içün işletüv ve klimatik deñişmelerdir.

2020 senesiniñ yazı qurğaq olğanı sebebinden mesele özüne ziyade diqqat celp etmege başladı ve bir çoq matbuat vastalarında kommunal ve maişiy ihtiyacları içün suvnıñ yetişmegeni aqqında haberler peyda oldı. Bu suv qıtlığı ne derecede teren, ne derecede obyektiv sebeplernen ya da işğal devamında toqtamayıp artqan ealiniñ, Rusiye ordusı ile arbiy sanayısınıñ ihtiyacları ile bağlı olğanı tedqiq etilmeli.

Analitik tedqiqatnıñ maqsadı - Qırımnıñ suv menbalarını satellitten yapılğan resimler vastasınen nezaret etüv ve yuqarıda añılğan klimatik deñişmelerinden ve Şimaliy-Qırım kanalı vastasınen suv ile temin etüvniñ toqtatılmasından ğayrı, Qırım yarımadasınıñ suv balansına tesir etken sebeplerni araştıruvdır.