Qırımtatar Maaliy Merkezi

''Hastalıq qattı sürette artmaqta'' - işğalciler yarımadadaki tacmaraz aqqında

18.11.2020

Çarşembe künü, boş aynıñ 18-de, COVİD-19 ile kureş boyunca operativ ştabnıñ oturuşuvında vaqtınca işğal etilgen Qırım boyunca Rospotrebnadzor başlığı Nataliya Penkovska yarımadada hastalıqnıñ qattı sürette artqanını qayd etti. Onıñ fikirince, qoşma sıñırlayıcı tedbirlerni amelge keçirmek kerektir.

Arman ayında künlik köstergiçimiz ortalama 1,46, berim ayında - 3,03, ekim ayında - 5,13 ve boş aynıñ başında - 10,57 edi. Raqamlar hastalıqnıñ qattı sürette artqanını köstermekteler. Artuvnı tekâran toqtatqanımızğa baqmadan, vaziyet istiqrarlı degildir. Qoşma sıñırlayıcı tedbirler amelge keçirilmese, vaziyet deñişe bile'', - dep ayttı o.

Hatırlatamız ki, boş ay 18 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 268 kişi oğrağan. Ağımdaki yılnıñ başından berli Qırımda 16369 kişiniñ bu hastalıqqa oğrağanı aqqında bellidir.