Qırımtatar Maaliy Merkezi

ANONS: Qırımnıñ suv menbalarını satellitten yapılğan resimler vastasınen nezaret etüvniñ neticelerini taqdim etüv

17.11.2020

Qırım yarımadasında suv menbalarınıñ qıtlığı meselesi 2020 senesiniñ qurğaq yazından soñ bir çoq matbuat vastalarında eali içün suv yetmegeni ve suv anbarları quruğanı aqqında haberler peyda olğanınen özüne büyük diqqat celp etti. Vaziyetni, onıñ kölemini ve sebeplerini talil etmek maqsadınen Qırımtatar Maaliy Merkeziniñ ekspertleri açıq satellit malümatlarını işlettiler. Jurnalistlerni ve bütün aves etken insanlarnı Qırımnıñ suv menbalarını satellitten yapılğan resimler vastasınen nezaret etüvniñ neticelerini cuma künü, boş aynıñ 20-de saat 11:00-de Zoom platformasında (aşağıdaki bağlantı boyunca evelden qayd etilip) taqdim etüvge davet etemiz. Tedbir Qırımtatar Maaliy Merkeziniñ Facebooktaki saifesinde de yayınlanacaqtır.

https://cutt.ly/kg5acmm

Spikerler:
Eskender Bariyev - Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ azası.
Qırımtatar Maaliy Merkezi yanında Qırımda etraftaki müitni qorçalav ve turğun inkişaf etüv boyunca ekspertler şurasınıñ azaları:
Tetâna Kuçma - agroekologiya ve tabiatnı işletüv İnstitutınıñ yetekçi ilmiy hadimi;
Yevgen Hlobıstov - Kyıvo-Mogılânska akademiyasında ekologiya kafedrasınıñ professorı, Ukraina iqtisadiy ilimleri Akademiyasınıñ akademigi.

Tedbir Qırımtatar Maaliy Merkeziniñ Facebooktaki https://www.facebook.com/CTRC2015 saifesinde de yayınlanacaqtır.