Qırımtatar Maaliy Merkezi

Qırım MC Prokuraturası işğal etilgen Qırımğa seferlerini yapqan 44 uçaqlarğa dair cinaiy dava açtı

17.11.2020

Qırım MC Prokuraturası halqara uçaq seferleri qaidelerini ve işğal etilgen Qırımğa kiriş-çıqış tertibini bozğan 44 uçaqlarğa dair cinaiy dava açıp, mahkemeden olarnıñ apis etilmesini talap etti. Bu aqta müessiseniñ matbuat hızmeti haber ete.

Qırım Muhtar Cumhuriyeti ve Aqyar şeeri Prokuraturasınıñ protsesual reberligi altında Rusiye avacılıq şirketlerine ait olğan daa 44 uçaq tanıldı ve halqara uçaq seferleri qaidelerini ve işğal etilgen Qırımğa kiriş-çıqış tertibini bozğanları içün işbu uçaqlarnıñ apis etilmesine dair mahkemege resmiy rica yollanıldı'', - dep haber etile bildirüvde.

Al-azırda halqara uçuş qaidelerini ve Ukraina qanunlarını bozıp, Rusiye avacılıq şirketlerine ait olıp, işğal etilgen yarımadamızğa muntazam sürette yolcu naqliyatını yapqan umumen alğanda 109 uçaqqa dair cinaiy dava açıldı.