Qırımtatar Maaliy Merkezi

Qırımlı jurnalistlerniñ azat etilmesi içün Ukraina halqara cemiyetni Rusiye Federatsiyasına basqısını arttırmağa çağırdı

17.11.2020

Bazarertesi künü, boş aynıñ 16-da, matbuat vastalarınıñ serbestligi İttifağı aza memleketleriniñ nazirleri seviyesinde körüşüvi esnasında Ukraina çetel işler naziriniñ birinci muavini Emine Caparova işğal etilgen Qırımda jurnalistlerniñ cezalavlarğa oğrağanı aqqında ikâye etip, olarnıñ azat etilmesi içün halqara cemiyetni Rusiye Federatsiyasına basqısını arttırmağa çağırdı. Bu aqta müessiseniñ matbuat hızmeti haber ete.

''İşğalci Rusiye akimiyeti tarafıdan yapılğan cezalavlar ve ayatları telüke altında bulunğanı sebebinden mustaqil jurnalistler işğal etilgen Qırım ile Donbasnı terk etmege mecbur edi. Qırım yarımadasında kerçek vaziyetni aydınlatuvda peyda olğan boşluqnı toldurmaq maqsadınen mustaqil matbuat vastalarnıñ vazifesini adiy vatandaşlar becermege başladı ve olar da cezalavlarğa oğratıldı. Al-azırda doquz qırımtatar gtajdan jurnalisti apishanede bulunmaqta'', - dep ayttı o.

Bütün Qırım jurnalistlerniñ azat etilmesi içün Caparova halqara cemiyetni Rusiye Federatsiyasına basqısını arttırmağa çağırdı.