Qırımtatar Maaliy Merkezi

İşğal etilgen Qırımda COVİD-19 tacmaraz hastalığına oğrağanlarnıñ sayısı 15 biñni aştı

16.11.2020

Boş ay 16 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 216 kişi oğrağan. Ağımdaki yılnıñ başından berli Qırımda 15892 kişiniñ bu hastalıqqa oğrağanı aqqında bellidir.

Qırım ''Sağlıq saqlav Nazirliginiñ'' ve Aqyar ''Ükümetiniñ'' İnternetteki saifelerinde haber etilgenine köre, işğal etilgen Qırımda 2757 kişi evde (covid) ve 2436 kişi hastahanelerde (kovid ile pnevmoniya) hastalıqlarından tedaviylene, 30 kişi observatorlarda buluna.

Aqyarda al-azırda hastahanelerde tadsıqlanğan COVİD-19 diagnozı ile 307 kişi buluna: infektsion hastahanede 150, 9 sanlı şeer hastahanesinde 154 kişi ve Mudafaa nazirliginiñ hastahanesinde 3 kişi tedaviylenmekte, "İzumrud'' raatlıq evinde - 51 kişi bulunmaqtadır.