Qırımtatar Maaliy Merkezi

İşğal etilgen Qırımnıñ sakinleri suv berüv cedveline riayet etilmegenine şikâyet eteler

16.11.2020

Bazarertesi künü, boş aynıñ 16-da, Qırımnı suv ile temin etüv boyunca muşavere esnasında Qırım ''başlığı'' Sergey Aksönov berüv cedveline ve suvnıñ keyfiyetine riayet etilmegenine dair şikâyetler almağa devam ekenini qayd etti.

''Bizge kelgen muracaatlar çoq olmasa da, suvnıñ keyfiyetine riayet etilmegenine bağışlanğandır - Geroyev Stalingrada, Suhodolna soqağında suv bulançıq.. Keriçteki Blüher soqağında suv kirli eken'', - dep ayttı o.

Hatırlatamız ki, işğalciler Qırımda berilgen suvnıñ miqdarını yavaş-yavaş eki kere azlaştırğan ediler. Birinci basamaq: arman ayınıñ 23-24 gecesi suvnıñ künlik miqdarı 140 biñ kub metregece eksildi. Sıcaq suv ile temin etüv toqtatıldı. Ekinci basamaq: arman ayınıñ 31-den berim ayınıñ 7-nece suvnıñ miqdarı künde 120 biñ kub merege qadar eksildi. Suv cedvel boyunca berilmege başladı. Üçünci basamaq berim ayınıñ 7-de başlandı. Berilgen suvnıñ miqdarı 100 biñ kub metrege qadar eksilip, saatlernen saba ve aqşam berilmektedir.