Qırımtatar Maaliy Merkezi

İşğal etilgen Qırımda ''mahkeme'' ''Hizb ut-Tahrir davasınıñ” iştirakçilerini apis altında qaldırdı

16.11.2020

Moskova vilâyeti Vlasiha şeer bölüginiñ temyiz arbiy mahkemesi Aluştadaki ''Hizb ut-Tahrir davasınıñ” iştirakçilerine apis müddetlerini uzattı. Siyasiy mabuslar tevqivhanede 2021 senesi qara qış ayınıñ 21-nece qalacaqlar.

Hatırlatamız ki, 2019 senesi ilk yaz ayınıñ 10-da Rusiye quvetçileri Aluşta, Qarasuv ve Aqmescit şeerilerinde qırımtatarlarnıñ evlerinde kütleviy tintüvler keçirdiler. Neticede Rusiyede yasaq etilgen "Hizb ut-Tahrir'' teşkilâtında iştirak etkenlerinde qabaatlanğan 8 kişi yaqalandı. İlk yaz ayı 10 ve 11 künleri Aqmescitniñ ''Kıyiv rayon mahkemesi'' tintüvlerden soñ yaqalanğan Riza Omerov, Enver Omerov, Ayder Cepparov, Eskender Suleymanov, Ruslan Nagayev, Eldar Kantimirov, Ruslan Mensutov ve Lenur Halilovnı arman (avgust) ayı 5-ce apiske aldı. Soñra apis müddeti defalarca uzatılğan edi.