Qırımtatar Maaliy Merkezi

''Hizb ut-Tahrir davasınıñ” iştirakçileri apis altında qaldırıldı

13.11.2020

Cumaaqşamı künü, boş aynıñ 12-de, Rostov-na-Donu şeerindeki Cenübiy okrugınıñ arbiy mahkemesi Qarasuvbazardaki ''Hizb ut-Tahrir davası” iştirakçileriniñ apis müddetleriniñ uzatıluvına dair abulqatları tarafından berilgen istinaf şikâyetlerni red etti. Siyasiy mabuslar tevqivhanede 2021 senesi qara qış ayınıñ 15-nece qalacaqlar.

Hatırlatamız ki, 2019 senesi ilk yaz ayınıñ 10-da ve 11-de Aqmescitteki Kiyev rayon "mahkemesi" Riza Omerov, Enver Omerov, Ayder Cepparov, Eskender Suleymanov, Ruslan Nagayev, Eldar Kantimirov, Ruslan Mensutov ve Lenur Halilovnı arman ayınıñ 5-ce apiske aldı. Soñra olarnıñ apis müddetleri defalarca uzatılğan edi.

Qırımtatar Maaliy Merkezi siyasiy taqip etüvlerni toqtatmaq ve bundan evel çıqarılğan mahkeme qararlarını lâğu etmek maqsadınen halqara cemiyetni, halqara aq qorçalayıcı teşkilâtlarnı Rusiye Federatsiyasına ve işğalci Qırım akimiyetini basqısını quvetleştirmege çağıra.