Qırımtatar Maaliy Merkezi

RF-nıñ qanunsız areketleri neticesinde 13 biñden ziyade insan elâk oldı - Vitrenko BM teşkilâtında

12.11.2020

Çarşembe künü, boş aynıñ 11-de, BM Bas assambleyasınıñ oturışuvında Ukrainanıñ BM teşkilâtındaki Daimiy Temsilcisiniñ muavini Yuriy Vitrenko, Rusiyeniñ Qırımğa ve Ukraina şarqına ücüm etmesi neticesinde 13 biñden ziyade insan elâk olıp, 30 biñge yaqın insan yaralanğanını bildirdi. Bu aqta müessiseniñ matbuat hızmeti haber ete.

''Rusiyeniñ Qırımğa ve Ukraina şarqına ücüm etmesi neticesinde 13 biñden ziyade insan elâk olıp, 30 biñge yaqın insan yaralandı. Eñ azından yarım million Ukraina vatandaşı memleket içinde avuşmağa mecbur edi'', - dep haber etile bildirüvde.

Rusiyeniñ BM teşkilâtındaki daimiy temsilciligi, Ukrainanıñ bu kibi beyanatları provokativ olğanını qayd etti.

''Bularnıñ episi, Rusiyege qarşı propagandadan başqa bir şey degildir, onıñ içün olarğa cevap bermeycekmiz. Yalıñız Rusiye Federatsiyası 1994 senesi imzalanğan Budapeşt memorandumı esasında Ukrainanıñ egemenligine ürmet etip, mecburiyetlerini yerine ketirgenini qayd etem'', - dep bildirdi RF-nıñ BM teşkilâtındaki temsilcisi.