Qırımtatar Maaliy Merkezi

İşğal etilgen Qırımda daa 275 kişi tacmaraz hastalığına oğrağan

12.11.2020

Boş ay 12 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 275 kişi oğrağan. Ağımdaki yılnıñ başından berli Qırımda 14368 kişiniñ bu hastalıqqa oğrağanı aqqında bellidir.

Qırım ''Sağlıq saqlav Nazirliginiñ'' ve Aqyar ''Ükümetiniñ'' İnternetteki saifelerinde haber etilgenine köre, işğal etilgen Qırımda 220 tacmaraz adisesi qayd etildi, şu cümleden 62 kişide hastalıqnıñ alâmetleri yoq edi. Koronavirus tıbbiy yardım almaq çün muracaat etken 119 kişide tapılğan, 100 kişige tacmaraz bundan evel hastalanıp qayd etilgen adamlardan keçken, 1 kişi çetelden hastalanıp kelgen eken.

Aqyarda al-azırda daa 55 COVİD-19 adisesi qayd etildi. Olardan 22 kişi infektsion ve 9 sanlı şeer hastahanelerine yatqızıldı, qalğanlar ise evlerinde tedaviylenmektedir.