Qırımtatar Maaliy Merkezi

Ukraina BM teşkilâtında özek silânıñ Qırımda yaratqan telükeleri aqqında tarif etti

12.11.2020

Çarşembe künü, boş aynıñ 11-de, BM Bas assambleyasınıñ oturışuvında Ukrainanıñ BM teşkilâtındaki Daimiy Temsilcisiniñ muavini Yuriy Vitrenko, Qırımnıñ qocaman arbiy bazağa çevirilmesi neticesinde özek silânıñ işğal etilgen yarımadada yaratqan telükeleri aqqında tarif etti. Bu aqta müessiseniñ matbuat hızmeti haber ete.

''Qırımnıñ qocaman arbiy bazağa çevirilmesi neticesinde özek silânıñ işğal etilgen yarımadada yerleşüvi telükeler yaratıp, özek silâsı olmağan Ukrainanıñ statusını boza. Bu vaziyetni deral deñiştirmek kerekmiz'', - dep haber etile bildirüvde.

Bundan ğayrı Vitrenko işğalci akimiyetniñ Halqara özek energiyası teşkilâtına Qırımda ve Ukrainanıñ şarqında yerleştirilgen özek ve radioaktiv malzemelerni teşkermege bermegenini qayd etti.