Qırımtatar Maaliy Merkezi

İşğal etilgen Qırımda cami imamına ''qanunsız missioner faaliyetinen oğraşqanı içün'' cöreme kesildi

11.11.2020

Salı künü, boş aynıñ 10-da, işğal etilgen Qırımda cami imamı Ablâkim Galiyevge ''qanunsız missioner faaliyetinen oğraşqanı içün'' 5 biñ ruble miqdarında cöreme kesildi. Bu aqta ''Qırım birdemligi'' haber ete.

''İmam Galiyevge qarşı açılğan dava boyunca 4 mahkeme oturışuvı keçirildi. Mahkemeci onı qabaatlı tanıp, oña 5 biñ ruble miqdarında para cezasını kesti. Biz bu qararnen kesen-kes razı degilmiz ve oña qarşı çıqacaqmız. Abulqat Emil Kurbedinov prokuratura tarafından esas delil olaraq kösterilgen videonıñ tekrar baqıp çıqılmasını talap etti. Biz mahkemecinen beraber onı baqıp çıqtıq ve qanunnı bozğan iç bir şey körmedik'', - dep bildirdi abulqan Seyran Kamilov.

Hatırlatamız ki, çiçek ayınıñ 29-da işğal etilgen Qırımda imam Dilâver Halilovnı camide cuma namazını qıldırğanı içün "ruhsetsiz toplaşuvnı teşkil etüvde" qabaatlap, 30 biñ ruble para cezasına mahküm ettiler.