Qırımtatar Maaliy Merkezi

''Maska taquv tertibiniñ faydasını köremiz'' - işğalciler

11.11.2020

Çarşembe künü, boş aynıñ 11-de, koronavirusnen kureş boyunca operativ ştabnıñ oturuşuvında vaqtınca işğal etilgen Qırım boyunca Rospotrebnadzor başlığı Nataliya Penkovska, yarımadadaki pandemiya vaziyeti bir yoruq olğanını ilân etti.

 

«Maska taquv rejiminiñ neticesini köremiz. Şimdilik tahminlerini aytmaq erte, amma vaziyet stabil olğanını endi köremiz.  Hasta sayısı artmay, eki aftadan berli koronavirus hastalarınıñ sayısı artmağanını köremiz», – dep işandıra Penkovskaya.

Bundan ğayrı o, Qırımda ötkür respirator virus infektsiyası ve grip hastalarınıñ sayısı eksilgenini – epidemiologik seviyeden 25% az olğanını qayd etti.

Boş ay 10 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 212 kişi oğrağan. Ağımdaki yılnıñ başından berli Qırımda 14093 kişiniñ bu hastalıqqa oğrağanı aqqında bellidir.

İşğal etilgen Qırımnıñ sağlıq saqlav Naziri Oleksandr Ostapenko ''Qırım.24'' kanalında bergen intervyusında, yarımadadaki hastahanelerde koronavirus hastaları içün tek 200 serbest yer qalğanı haber etti.