Qırımtatar Maaliy Merkezi

İşğal etilgen Qırımda tacmaraz hastalığından 96 kişi ölgen

01.10.2020

Tacmaraz pandemiyası darqatılıp başlağandan berli vaqtınca işğal etilgen Qırımda ve Aqyar şeerinde bu hastalıqtan 96 insan ölgen. Al-azırda yarımadada 5690 insan bu hastalıqqa oğrağan.

Qırım ''Sağlıq saqlav Nazirliginiñ'' ve Aqyar ''Ükümetiniñ'' İnternetteki saifelerinde haber etilgenine köre, işğal etilgen Qırımda tıbbiy nezaret altında 2485 kişi bulunmaqta, olardan 768 kişi evde tedaviylene, hastahanelerde 1566 kişi ve observatorda 151 kişi buluna.

Aqyarda al-azırda infektsion hastahanesinde 245 kişi, 9 sanlı şeer hastahanesinde 197 kişi tedaviylenmektedir. Yaşağan yerlerinde nezaret altında 491 kişi buluna.