Qırımtatar Maaliy Merkezi

İLÂN: "İşğalniñ reineleri" sergisi Odesada açıla

01.10.2020

Cumaaqşamı, ekim ayı 8 künü saat 16:00-da M. Gruşevskıy adına Odesa vilâyeti universal ilmiy kitaphanesinde(Troyitska soqağı, 49/51) Qırım işğaliniñ reinelerine çevirilgen qırımtatar qorantalarına bağışlanğan "İşğalniñ reineleri" adlı albom ve sergi taqdim etilecektir. Bu adamlar nasıl yaşay? Ayatları nasıl deñişti? Olar nasıl qıyınlıqlarğa rast keleler? Aydın kelecekleri içün nasıl küreşeler? Ne aqqında arzu eteler? Bu suallerge cevaplarnı ekim ayı 8 künü keçirilecek tedbirimizde ala bilirsiñiz. Memleket içinde avuşqan ve vaqtınca işğal etilgen Qırımda yaşamağa devam etken cemi 20 qoranta ile tanış olmağa davet etemiz. Tedbir karantin tertibiniñ bütün şartlarına ve sıñırlamalarına riayet etip keçirilecektir.

İnanamız ki, böyle tedbirler çeşit türlü medeniyet ve din mensüpları arasında dialoq qurmağa, Ukraina devlet organlarınıñ ve halqara cemiyetniñ diqqatlarını qırımtatar haqınıñ problemlerine ve Qırım işğali meselesine celp etmege yardım etmeknen bir arada, Qırım tamır halqınıñ aq-uquqlarına riayet etilmesine ve yarımadanıñ işğalden azat etilmesine hızmet eter.

Teşkilatçılar: Qırımtatar Maaliy Merkezi, M. Gruşevskıy adına Odesa vilâyeti universal ilmiy kitaphanesi. Leyhağa Ukrainadaki Amerika Birleşken Devletleri elçihanesiniñ demokratiyağa qoltutuv fondu destek köstere.

Adres: Odesa şeeri, Troyitska soqağı, 49/51

Alâqa vastaları:  067 343 7454, ctrcenter2015@gmail.co