Qırımtatar Maaliy Merkezi

Siyasiy mabüs Mecit Ablâmitovnıñ apis şikâyetini red ettiler

03.09.2020

“Qırım fikirdeşligi”niñ malümatına köre, çarşenbe künü, sentâbrniñ ekisinde, Qırım Yuqarı “makemesi” yaqalanğan Mecit Ablâmitovnıñ sıñırlama tedbiri saylavına, mudafaa tarafından bergen apellâtsiya şikâyetini red etti. Onı “Noman Ҫelebicihan adıña batalyonda iştirakta eken” şübeleneler. Mecit Ablâmitov 2020 yılnıñ oktâbrniñ 17-gece tevqifli olacaq.

Mecit Ablâmitovnıñ menfaatlarını advokat Arkadiy Oleynik temsil ete edi. Er kesten tek onı “makeme davası”nda bulunmağa izin berdiler. Koronavirus qırğınlığı qarşı çarelerge sıltap, qabaatlanğannıñ ailesini ve diñleyicilerni “makeme” binağa içeri yibermediler, faqat advokat diger sebep bar dep belley.

“Makeme oturışı qapalı tertipte olıp keçti, ҫünki tahqiqatnıñ versiyasına köre, makemelengen telüke yaratıp ola. Yaqın aftalarda tahqiqiy tedbirleri keçecekler.” – uquq qorçalayıcı tefsir etti.

Hatırlatuv iҫün: 2020 yılnıñ avgustnıñ 19-da, Rusiyeniñ Federal havfsızlıq hızmeti, işğal etilgen Qırımda, “Noman Ҫelebicihan adıña batalyonda iştirakta eken” şübelengen 26 yaşındaki Mecit Ablâmitovnı yaqaladı. Rusiye federatsiyanıñ ceza qanunnamesiniñ 208 maddeniñ 2 qısımğa köre, onı cinayetnen qabaatladılar ve avgustnıñ 20-nci, eki ayğa – oktâbrniñ 17-gece tevqif ettiler. Bu cinayet iҫün 15 yılğace azatlıqtan marum etüv cezadır.