Qırımtatar Maaliy Merkezi

Rusiye mahkemesi jurnalist Ayder Mujdabayevni ğıyaben apiske aldı

26.06.2020

Cuma künü, iyunniñ 26-da, Moskvanıñ Basman rayonı mahkemesi ATR telekanalı baş müdiriniñ muavini Ayder Mujdabayevni sanki "terrorizmge çağıruvında" qabaatlap ğıyaben eki ayğa apiske aldı. Bu aqta TASS haber agentligi bildirdi.

 "Basman rayonı mahkemesiniñ qararına köre, Mujdabayevğa nisbeten eki ayğa apiske alınuv sıñırlama tedbiri seçildi. Apis müddeti onıñ Rusiyede yaqalanuv ya da ekstraditsiya yapılğan vaqıttan başlap sayılacaq", - dedi mahkemeniñ matbuat kâtibi İrina Morozova.

Ayder Mujdabayevni sanki "zorlav areketlerine çağıruv ve quvet qullanıp Ukrainada bulunğan Rusiye vatandaşlarını esirge alıp soñra Rusiyede terrorizmde qabaatlanıp apiste tutılğan Oleg Sentsovğa deñiştirmek" aqqında Facebooktaki eki yazı içün qabaatlana.