Qırımtatar Maaliy Merkezi

Qırımtatar milliy bayraq kününe bağışlanğan aktsiya: faallerni 5 kere "yol devriyesi" toqtattı

25.06.2020

İşğal etilgen Qırımda faaller Qırımtatar milliy bayraq kününe bağışlanğan "Bayraq areketi" aktsiyasını ötkereler. Aktsiya çerçivesinde olar yarımadanı çeşit köşelerinde qırımtatar milliy areketiniñ iştirakçilerini ziyaret eteler. İyunniñ 24-de faallerniñ maşnalarını sanki vesiqalarnı teşkerip baqmaq içün "yol devriyesi" 5 kere toqtattı.

"Bayraq areketi" aktsiyası üçünci yıl ötkerile. Onıñ çerçivesinde faaller Qırımtatar milliy bayraq künü arfesinde maşnalarnen Qırımnıñ çeşit rayonlarına barıp, qırımtatar milliy areketiniñ iştirakçilerinen körüşeler. Aktsiya Qarasuvbazar rayonındaki Aq Qaya dağına köterilüvnen yekünlene.