Qırımtatar Maaliy Merkezi

İşğal etilgen Qırımda yaqalanğan Ruslan Bekirovnı yiberdiler

12.06.2020

İşğal etilgen Qırımda Baydar köyüniñ sakini Ruslan Bekirov Rusiye ketmemezlik senetini berip Federal havfsızlıq hızmetiniñ binasından yiberildi. Bu aqta advokat Oksana Jeleznâk bildirdi, dep haber ete "Qırım birdemligi" birleşmesi.

"Bügün Federal havfsızlıq hızmetiniñ taqiqat bölüginde Ruslan Bekirovnı oña qarşı Rusiye Ceza qanunnamesi 307 maddesiniñ birinci qısmına köre açılğan dava boyunca sorğuğa çektiler. Şimdi ondan ketmemezlik senetini alıp yiberdiler.  Bazarertesi künü oña nisbeten taqiqat areketleri – fonograf ve psihiatrik teşkerüvleri tayinlendi", - dedi advokat.

Ruslan Bekirovğa qarşı cinaiy dava onıñ Enver Seytosmanov cinaiy davası boyunca taqiqat ötkerilgen vaqıt ve mahkemede bergen yazma ve ağzaviy şaatlıqlarınıñ farqlı olğanları içün açıldı.