Qırımtatar Maaliy Merkezi

Şimal Qırım kanalından suvnıñ yañıdan berilüvi kün tertibinde yoq - Şmıgal

11.06.2020

Cumaaqşamı künü, iyunniñ 11-de, Ukrainanıñ baş naziri Denis Şmıgal Kiyevde ötkerilgen matbuat konferentsiyasında işğal etilgen Qırım yarımadasına Şimal Qırım kanalından suvnıñ yañıdan berilüvi kün tertibinde yoq ve nasıldır siyasiy bazarlıqnıñ mevzusı iç bir vaqıt olmaz, dep bildirdi.

Картинки по запросу "шмігаль"

"Bu pek ince bir mesele. Ötkerilgen muzakerelerniñ mevzularını seslendirmeycem. Lâkin inanıñız, olar tek Ukraina ve ukrain halqınıñ faydası içün ötkerile. Qırımğa suv berilmesi aqqında aytsaq, köresiñiz - suv berilmey. Añlaymız ki, o, anda cısmen berilmez, bölünmez. Başqa mesele – Qırımnı işğal etken Rusiye, halqara konventsiyağa köre, yarımada sakinleri ögünde işğalci olaraq mecburiyetlerni becermey", - dedi Şmıgal.