Qırımtatar Maaliy Merkezi

Avropa Birligi "Qırım sıñırlavlarını" devam etecek - Toçitskiy

10.06.2020

Avropa Birligi "Qırım sıñırlavlarını" daa bir yılğa uzatacaq. Bu aqta Avropa Birligindeki Ukrainanıñ daimiy vekili Nikolay Toçitskiy Twitterde bildirdi.

"Avropa Birligi azalarınıñ birdemligi Rusiyege koronavirusnı sıñırlavlarnı lâğu etmek içün qullanmağa bermedi. Ukrainağa nisbeten tecavuziy şekilde areket etken içün Rusiyege qarşı kirsetilgen "Qırım sıñırlavları" daa bir yılğa uzatıla. Avropa Birligindeki ortaqlarımızğa Ukrainağa daima qol tutqanları içün minnetdarlıq bildiremiz", - dep yazdı elçi.